Jop ka Mukhla Raij 2-0 iaka Moosyiem Shangpung, rung sha ka final 1st Division ka WJDSA

Syllad | The Rising MeghalayaNovember 12, 2022

Ka Mukhla Raij kala jop 2-0 pyrshah iaka Moosyem Shangpung bad da kane ka namjop kala buh jaka haka final jong ka 1st Division Football Tournament- Chatister Kharkongor Memorial Trophy kaba pyniaid da ka West Jaintia District Sports Association.

Haka jingiakhun kaba long haka sngi Saitjain ha madan Kiang Nangbah Stadium, ka Mukhla Raij kala thep shikol haka kylla step lyngba u Deini Suna (36). Ka kol kaba ar kala wan haka kyllamiet lyngba u Shirup Suting (73).

Kine ki ar tylli kli kol kila neh haduh bala wai ka por iakhun kaba la biang pura iaka Mukhla Raij ban rung sha ka final ban aireng pyrshah iaka Sailung Ialong.