Jop ka Mukhla Raij iakhaid ka Dulong bad Mulang Ialong haka Independence Day Cup

Syllad | The Rising MeghalayaJuly 22, 2023

Ka Mukhla Raij kala jop da 1-0 iaka Evergreen Mukhla, katba ka jingiakhun Dulong pyrshah iaka Mulang Ialong kala wai da kaba iakhaid haka Independence Day Cup Under-17 Football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium.

Ka kol ka Mukhla Raij kala wan shuwa ban wai ka por iakhun haka 60’+1. Ia kane ka kol kaba la pynbiang pura iaka Mukhla Raij ban khur namjop la thep da u Sanga Sumer.

Ka jingiakhun hapdeng ka Dulong pyrshah iaka Mulang Ialong kala wai khlem don mano mano ba ioh pynkhih iaka jar.

Haka jingiakhun kaba long haka sngi Thohdieng, ka Ladlaboh kala jop da 6-0 iaka Salaroh. Ia kine ki kol la thep da u Helpme Syntem 7′, Chanmi Phawa 15′, Alfred Dkhar 34′, Kyntulang Nongwa 35′ & 54′ bad u Marbudki Dkhar 60’+2.

Ka jingiakhun hadpeng ka Khimusniang ad ka Catholic Youth kala wai mar 2-2 kol. Na kaliang ka Khimusniang la thep da u Heiminmiki Dkhar 24′ & 40′. Na ka Catholic Youth la thep da u Donal Phawa 13′ bad u Kyrshon Suchen 16′