Jop ka Mulait Bri Sumer bad ka Mochut Pyrdung haka semifinal First Div ka SBSA

Syllad | The Rising MeghalayaNovember 25, 2023

Ka Mulait Bri Sumer bad ka Mochut Pyrdung SC kila jop haka semifinal First Division Football Tournament kaba pyniaid da ka Saipung Block Sports Association (SBSA) kaba long ha Lamyrsiang haka sngi Thohdieng.

Da kane ka namjop kine ki ar tylli ki kynhun kila lah ban pynthikna ialade ba haka aiom ialehkai ban wan kin ialehkai haka kyrdan Super Division.

Haka jingialehkai semifinal kaba nyngkong, ka Mulait Bri Sumer kala jop da 1-0 iaka United Biate. Ia kane ka kol la thep da u Manki Lyngdoh haka minit kaba 42’.

Haka semifinal kaba ar, ka Mochut Pyrdung SC kala pynliem 3-0 iaka Daistong SC. Ia kine ki lai kol la thep da u Thomas Dkhar haka minit kaba 38’, u Bikral Chyrmang 47’ bad u Rahul Bareh 59’.

Ka SBSA kala pyntip ruh ba ka jingialehkai Super Division haka 25 tarik Naiwieng kan long hapdeng ka Latyrke SC pyrshah iaka Narwan SC haka por 11.30 baje mynstep, ka Lamyrsiang SC pyrshah iaka Jalaphet Bri Sumer SC haka por 1.30 baje nohphai sngi.