Jop ka Mulait United 2-1 iaka Latyrke, rah syndon iaka nam lahduh ka Super Division ka SBSA

Syllad | The Rising MeghalayaOctober 23, 2022

Ka Mulait United kala jop da 2-1 iaka Latyrke SCSC haka final jong ka Super Division Football Tournament kaba pyniaid da ka Saipung Block Sports Association (SBSA).

Ia kane ka jingiakhun final la pynlong ha Lamyrsiang haka sngi Saitjain.

Ka Mulait United kala thep iaka kol  nyngkong, kaba mih paw haka dur jong ka own goal (25’)  ka kol ka bar la thep da u Biang Chyrmang (60’).

Ka Latyrke kala thep da u K. Lalchhuansanga Khiangte haka minit kaba (85’). Kine ki lai kol kila neh haduh ba kut ka por iakhun bad kala biang pura iaka Mulait ban rah iaka nam lahduh mynta ka aiom.

U kongsan ba wan sakhi ia kane ka final u Myntri ka tnad Sport & Youth Affairs ka sorkar Jylla u Bah Banteidor Lyngdoh haka jingdonlang u MDC ka Sutnga-Nongkhlieh u Ma Richard Sing Lyngdoh, u District Sports Officer (DSO) ka West Jaintia u Ma Khroobok Passah bad kiwei kiwei nalor ki nongialam bad dkhot ka SBSA.

Ka Mulait United ka lahduh ioh rah ïaka song pisa kaba 30 hajar tyngka katba ka Latyrke SCSC ka lahduh ba ar 20 hajar tyngka. Ka khusnam Player of the Match ba la ïoh da u Dominic Sungoh jong ka Mulait United, Top Scorer K. Lalchhuansanga Khiangte jong ka Latyrke SCSC, ka khusnam Goalkeeper of the Tournament’ da u Kenio Lyngkhoi jong ka Mulait United.