Jop ka Mulang Dulong Panaliar & Mookyndur haka Independence Cup, ka Lion haka 2nd Div ka WJDSA

Syllad | The Rising MeghalayaJuly 29, 2022

Ka resol na ka Under-17 Independence Day Cup kaba pyniaid ka WJDSA ka long ba ka Mulang Ialong, Dulong, Panaliar bad ka Mookyndur kila ioh khur namjop haka jingiakhun kaba long ha Kiang Nangbah Stadium haka sngi Thohdieng.

Katba ka jingiakhun 2^nd Division kaba dei ka replay match, ka Lion Sports & Youth Affairs kala jop da ka tie breaker da 5-3 pyrshah iaka West Madan Mustem. Lashai ka sngi ka West Madan Mustem kan mih madan biang ban aireng pyrshah iaka Pynthorlangtein.

Haba phai sha ka jingiakhun Uner-17, ka Mulang Ialong kala pynliem da 2-0 iaka Moosalyngkat. Ia kine ki kol la thep mar shi kol da u Chalet Phawa (54) bad u Charelang Mulieh (60)

Ka Dulong kala jop 3-0 iaka Shangpung. U Budsalang Nartiang ula the par kol (23, 27). Shikol la thep da u Hauni Laloo (15).

Kawei pat ka jingiakhun ka Panaliar kala jop da 2-0 iaka Chutwakhu. U Kevin Siangshai (20) bad Risalan Kynjing (52) kila thep mar shi kol.

Ka jingiakhun ba khtaduh jong ka sngi, ka Mookyndur kala pynliem da 1-0 pyrshah iaka Khimusniang. Ia kane ka kol la thep da u Patiently Lakuna (33).