Jop ka Mulang Ialong, Da-ihi bad Iooksi haka Third Div ka WJDSA; sdang sa ka Independence Day Cup

Syllad | The Rising MeghalayaJuly 31, 2024

Ka Mulang Ialong, Da I hi Mynsngat bad ka Iooksi Youth Welfare kila khur namjop haka jingialehkai Third Division Football Tournament- 4^th Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 31 tarik Naitung.

Haba phai sha ka jingialehkai ka Mulang Ialong kala pynliem da 4-1 iaka Nangbah Khloopano da 4-1. Ia kine ki saw kol ka Mulang Ialong kala ioh thep lyngba u Shere Mulieh (30), Tellme Mulieh (54), u Nidaroi Mulieh (62) bad shikol kala mih paw haka dur jong ak own kol kaba la thep da Niwan Susngi (49). Shikol na ka Nangbah Khloopano la thep da Teibor Lamare (18).

Haka jingiakhun kaba bud ka Da I hi Mynsngat jop da 4-2 iaka Lumchyrmang Mihmyntdu. Kine ki saw kol ka Da I hi la thep da u Army Talang (7 & 63) bad u Deepson Tokbi (26 & 28).  Ki ar kol ka Lumchyrmang la thep da Embor Chyrmang (34) bad u Soki Chyrmang (70).

Katba ka Iooksi Youth Welfare SC kala jop da 2-0 Ksehsylle Ialong. Ha kane ka jingiakhun ka Iooksi kala thep iaka kol kaba nyngkong tang hapoh 1 mnit bala iaid ka jingiakhun lyngba u Pyrkhat Paslein (1) bad u Pyrshang Tangliang (22).

Kawei pat ka jingialehkai kala kut da kaba iakhaid mar 1-1 hapdeng ka Pamanik bad Mookyrdup. Ha kane ka jingialehkai ka Pamanik kala ioh shuwa ban pynkhih iaka jar lyngba u Shanbait Suchiang (15) bad na kaliang ka Mookyrdup la thep da u Luckystar Sungoh (28).

Ka WJDSA kala pyntip ruh ba lashai ka sngi 1 tarik Nailar kan sdand iaka Independence Day Under-17 Football Tournament.  Ha kane ka jingialehkai ki don haduh 14 kynhun.

Ka jingiakhun kaban sdang shuwa kan long hapdeng ka Lutituber Ialong pyrshah iaka Katholik Youth Mihmyntdu haka 10 Am, pynbud sa ka Da Ihi Mynsngat pyrshah iaka Dongmihsngi haka por 11:30 AM, 7 Wasa pyrshah iaka Khimusniang haka por 1 PM bad ka FAM pyrshah iaka Mihmyntdu haka por 2:30 PM.