Jop ka Mupliang da 8-wicket iaka West Jaintia Police haka District Cricket League ka WJHDCA

Syllad | The Rising MeghalayaApril 26, 2025

Ka Mupliang SC kala jop da 8 wicket iaka West Jaintia Police CC haka jingialehkai District Cricket League kaba pyniaid daka West Jaintia Hills District Cricket Association (WJHDCA) kaba long ha madan Khliehtyrshi haka 25 tarik Iaiong. Kane ka jingjop ka Mupliang kala pynkut noh syndon iaka jingbteng khur namjop ka West Jaintia Police ha kane ka league.

Haba phai sha ka jingialehkai ka Mupliang kaba jop iaka toss kala ailad iaka West Jaintia Police ba tied bad kala kamai 104/10 na ka 25.2 over.

U Devention Lyngdoh marwei ula synniang 30 run na ki 56 tylli ki ball, katba kiwei pat kila liem lyndang uwei hadien uwei bad saw ngut kila khyllem khlem kamai run eiei kaba la pynnoh mynsiem iaka kynhun ialehkai ka Police baroh kawei.

U Defender Dhar ula kylla long u namtam na ki nongkawang ball ka Mupliang ha kaba ula khyrwit 4 wicket bad ai 12 run na ka 6.2 over, katba u Oniwanker Sna ula khur 2 wicket bad u Sandy Kharshandi, Daulabiang Shangpliang bad u Byforcestar Dhar kila khur mar shi wicket.

Ka Mupliang haba beh thong wat la kala liem noh 2 wicket haba sdang, kata u Mewan Phawa ula kamai 26 run bad u Byforce 26 run kala seng iaka nongrim kamai run kaba la mynsiem iaka kynhun. Haba bteng iaka jingialehkai, u Sandy uba la kamai 21 run (not out) bad u Oniwanker 19 run (not out) kila lah ban pynkut iaka jingialehkai da 109/2 haka 17.3 over

U Defender Dhar u la khur iaka nam Man of the Match.

Kane ka jingjop ka Mupliang nalor ba khur ar poin kala pynkut iaka jingjop ka West Jaiñtia Police.