Jop ka Mupliang iaka CYC Mowkaiaw haka District Cricket League ka WJHDCA

Syllad | The Rising MeghalayaApril 14, 2024

Ka Mupliang CC kala jop iaka CYC Mowkaiaw da 9 run haka District Cricket League kaba pyniaid daka West Jaintia Hills District Cricket Association (WJHDCA) ha Madan Khliehtyrshi haka 13 tarik Iaiong.

Ka CYC Mowkaiaw kaba la jop iaka toss kala kam trai ban bol bad ka Mupliang haba bat kala buh iaka thong kaba 146 run na ka 23.5 over. U Yoohimiootre Patweth ula kamai 37 runs 34 ball bad u Dathrang Pariat 33 runs 33 ball.  U Todan Rymbai ula khur 3 wicket naka 7 overs.

Ka CYC haba beh iaka thong kala kamai 136 run na ka 35 run bad liem 9 wicket. U Grateful Lyngkhoi ula kamai 24 run 27 ball bad u Pyniarmi Sutnga 20 run 41 ball. U Defender Dhar jong ka Mupliang ula khur 3 wicket na ka 7 overs kaba la biang pura ia u ban khur iaka nam Man of the Match