Jop ka Mupliang Tpeppale iakhaid ka Samaro pyrshah iaka Pateinki Sabah haka 3rd Div ka WJDSA

Syllad | The Rising MeghalayaApril 1, 2022

Ka Mupliang SC bad Tpeppale SC kila khur namjop haka jingiakhun 3rd Division Football Tournament ka West Jaintia District Sports Association (WJDSA) – ka 2nd Adelbert Laloo Memorial Trophy kaba long ha Kiang Nangbah Stadium haka sngi Thohdieng.

Katba ka jingiakhun hapdeng ka Samaro SC bad a Pateinki Sabah kala jingiakhun kala wai khlem don mano mano ba ioh pynkhih jar.

Haba phai sha ka jingiakhun kaba nyngkong ka Mupliang kala pynliem da 3-1 kol iaka Mookaswan Dongwah SC.

Tang hapoh ar minit bala iaid ka jingiakhun ka Mupliang kala thep shikol lyngba u Dering Phawa bad sa shi kol la pynban biang da u Elijah Ryngkhlem (7). Ka kol kaba lai la thep da u Emi Ianga Phawa (25). Shikol ka Mookswan la thep da u Jeremiah Biam (29).

Ka Tpeppale SC kala jop da 1-0 kol iaka Lumpyrdi Iongpiah SC by 1. Ia kane ka kol la thep da u R Daosakhiat Syngkon (39) bad kane ka shikol kala neh haduh bala kut ka por iakhun.