Jop ka Musniang bad ka Rangad haka First Div ka EJHDFA

Syllad | The Rising MeghalayaSeptember 26, 2023

Ka Musniang SC bad ka Rangad SC ki la khur jingjop haka jinglehkai First Division Football Tournament kaba pyniaid da ka East Jaintia Hills District Football Association (EJHDFA), kaba long ha madan artificial turf Diengshynrum haka sngi Nyngkong.

Haba phai sha jingialehkai ka Musniang SC kala jop da 3-1 iaka Mukhaialong. Ia kine ki lai kol ka Musniang la thep da u Mardiphone Rymbai 11′, 20′ bad u Oneenjoy Dkhar 45’+3. Shikol ka Mukhaialong la thep da u Bino Phawa 67′.

Haka jingiakhun kaba bud, ka Rangad SC ka la pynliem da 1-0 iaka Shilliang Umshong SC. Ia kane ka kol la thep da u Wingki Dkhar 31′.

Lashai ka sngi ka jingiakhun kan long hadpeng ka Synrang Shahkhain SC pyrshah iaka Rymbai Pohskur haka por 12.00 baje nohphai sngi, ka Khliehriat West FC pyrshah iaka Byndihati SC haka por 2.30 baje nohphai sngi.