Jop ka Mynthong 2-0 iaka Lumiawmuchai

Syllad | The Rising MeghalayaSeptember 10, 2022

Ka Mynthong kala pynliem da 2-0 pyrshah ïaka Shangpung Lumïawmuchai haka jingïakhun Super Division Football Tournament kaba pynïaid da ka West Jaintia District Sports Association (WJDSA) ha madan Kiang Nangbah Stadium haka sngi Thohdieng.

U Kyrkhu Dametre Ryngkhlem (21′) bad u Sani Phawa (90′) kila thep mar shikol ban pynia jop iaka Mynthong.

Ka Mynthong da kane ka namjop kala kamai 12 poiñ naki 6 tylli ki jingïakhun katba ka Shangpung Lumïawmuchai- 4 point.

Mynta ka sngi Saitjain ka jingïakhun kanlong hapdeng ka Ladthadlaboh pyrshah ïaka Sabahmuswang haka por 3.00 baje nohphai sngi.