Jop ka Nangbah Dukhu bad ka Caroline Colony haka 2nd Div ka WJDSA

Syllad | The Rising MeghalayaAugust 22, 2024

Ka Nangbah Dukhu bad ka Caroline Colony kila khur namjop haka sngi sdang jong ka lympung ialehkai 2nd Division Football Tournament-7th Debo Shullai Memorial Trophy kaba pyniaid ka West Jaintia District Sports Association (WJDSA) ha madan Kiang Nangbah Stadium, Jowai haka 21 tarik Nailar.

Haka jingialehkai kaba nyngkong ka Nangbah Dukhu kala jop iaka Madan Kynsaw Mookyndeng da 3-1. Ia kine ki lai kol, ka Nangbah Dukhu la thep da u Shanlang Thubru (3, 46) bad u Rimi oo Susngi (49). Shikol jong ka Madan Kynsaw Mookyndeng la thep da u Dangri Phawa (59).

Ha kawei pat ka jingialehkai, ka Caroline Colony kala pynliem da 2-0 iaka Mupliang. Ia kine ar kol la thep marwei da u Gabrial Lakashiang (3, 63).

Haka 22 tarik Nailar ka jingiakhun kan long hapdeng ka Mukhla Umlangshor pyrshah iaka NSA haka por 12.00 baje mynsngi, ka Shilliang Raij pyrshah iaka Maitshaphrang Mootyrshiah haka por 2.00 baje nohphai sngi.