Jop ka Nangbah Mulang 1-0 pyrshah iaka Demthring rah syndon iaka U Kiang Nangbah Trophy
Ka Nangbah Mulang SC haka sien kaba ar kala ioh rah iaka nam lahduh haka kyrdan Super Division – U Kiang Nangbah Memorial Trophy hadien ba kala lah ban pynliem da 1-0 pyrshah iaka Demthring SC haka 14 tarik Nohprah.
Ka sien kaba nyngkong ba ka Nangbah Mulang kala ioh rah ia kane ka nam ka long ha u snem 2016.
Ia kane ka lympung la pyniaid da ka West Jaintia District Sports Association (WJDSA) kaba la pynlong ha madan Kiang Nangbah Stadium.
Haba phai sha ka jingialehkai final, ka Nangbah Mulang kala tam shakhmat naduh ka kylla step tang hapoh ka minit kaba 12 bala iaid ka jingiakhun lyngba ka kol kaba la thep da u Timmy Ryngkhlem.
Lait na kane ka kol wat hapdeng ki jingpyrshang kaba bun bun sien na baroh artylli kine ki kynhun, hynrei ym shym la lah ban pynkylla ia ki kabu ksiar ba kila ioh sha ka kol bad kane ka shikol kala rai iaka namjop ka Nangbah Mulang.
Da kane ka namjop ka Nangbah Mulang kala iohrah iaka song pisa kaba T.1 lak bad ka Demthring kala ioh rah T.50 hajar ryngkat ki trophy kaba la synniang da u MLA ka Jowai ma Wailadmiki Shylla.
Ka khusnam Top Scorer a ioh khur da u Niponghi Sumer ka Nangbah Mulang uba la thep 9 kol ha kane ka aiom ialehkai, Best Goalkeeper – u Ialamlang Biam of Ladthadlaboh, Man of the Match – Timmy Ryngkhlem jong ka Nangbah Mulang bad Player of the Tournament –
Wadshwa Lato jong ka Demthring.
Ia ki khusnam sha ki nongjop la sam da u kongsan u Ma Wailadmiki Shylla MLA Jowai bad Chairman ka MUDA. Kiwei kiba iadonlang Lakhon Dkhar MDC Amwi Khliehtyrshi nalor ki nongialam bad ki dkhot ka WJDSA.
Ha kane ka juh ka sngi la pynkup burom ia ki ar ngut ki referee kiba kynthup ia u Bulmi Phawa uba la pyndep iaka National Referee (Level 5) haka football na ka bynta u snem 2023. Uwei pat udei u referee basketball, u Sebastian Suting. Une u referee u kylla long uba nyngkong eh na Rilum Jaintia ban ioh iaka kyrdan Panel B BFI Referee.
Facebook
Instagram
Youtube
Twitter
Leave a Reply