Jop ka Nangbah Mulang 2-1 iaka Sohmynting haka Super Division ka WJDSA

Syllad | The Rising MeghalayaAugust 27, 2022

Ka Nangbah Mulang kala pynliem da 2-1 iaka Sohmynting haka jingiakhun Super Division Football kaba pyniaid da ka West Jaintia Hills District kaba long ha Kiang Nangbah Stadium haka sngi Saitjain.

Ha lyndet kane ka namjop ka Nangbah Mulang ka dei ka jingialehkai bha u Pynishai Lathong uba la lam lynti ruh iaka kynhun ka Nangbah Mulang ban khur ia kane ka namjop da ki ar kol kiba ula thep. Kine ki ar kol kila mih haka kylla step haka minit kaba 6′ bad 19′.

Ka Sohmynting hadien ba kala shah tam da 2 kol kala iakhun tyngeh ban ioh thep kol, hynrei ka jingskhem ka kut ialehkai ka Nangbah Mulang kam shym la ioh iaki kabu ksiar kiba paka.

Ha ka jingiakhun haka kylla miet ka jingiakhun hadpeng kine ki arliang kala nang itynnad ha kaba kila pyni iala ki jong ki sap ialehkai ban ia ioh thep kol, bad dei haduh ka minit kaba 75′ ka Sohmynting kala thep lyngba u Meyoo Pde.

Kine ki lai kol kila neh haduh bala wai ka por iakhun bad ka Nangbah Mulang ioh khur 7 poiñ da kane ka namjop na ki lai tylli ki jingiakhun.