Jop ka Narwan haka Super Div ka Saipung Block SA

Syllad | The Rising MeghalayaNovember 3, 2023

Ka Narwan SC ka la khur jingjop da 3-0 pyrshah iaka Mynthning, katba ka Jalaphet Bri Sumer SC bad ka Mulait United FC kila iakhaid haka jingialehkai Super Division Football League kaba pyniaid da ka Saipung Block Sports Association (SBSA) kaba long Lamyrsiang haka sngi Palei.

Ia kine ki lai kol ka Narwan la thep da u Heimonmi Dkhar 10′, u Arhawni Shadap 28′ bad u Brave Shadap 69′.

Ka Jalaphet Bri Sumer SC bad ka Mulait United FC kila iakhaid mar 1-1.

Na kaliang ka Jalaphet la thep iaka kol da u Plidar Dkhar 27′ bad iaka kol jong ka Mulait Utd FC la thep da u Jef Surong 39′.

Haka 3 tarik ka jingiakhun kan long hapdeng ka Lamyrsiang SCC pyrshah iaka Latyrke SC haka por 11.30 baje mynstep ka Shnongrim SC pyrshah iaka Tluh SC haka por 1.30 baje nohphai sngi.