Jop ka Newhill bad ka Pamanik haka 3rd Div ka WJDSA

Syllad | The Rising MeghalayaMarch 30, 2022

Ka Newhill bad ka Pamanik ki khur jingjop haka lympung ïalehkai 3rd Division Football Tournament kaba tip kum ka “2nd Adelbert Laloo Memorial Trophy” ba la pynïaid da ka West Jaintia District Sports Association (WJDSA) ha madan Kiang Nangbah Stadium Ladthadlaboh Jowai haka sngi ba Ar.

Ka Newhill ka la pynliem ïaka Catholic Youth Mihmyntdu da 2-0 lyngba ka kol ba la thep da u Iakiru Dkhar haka minit kaba 10 bad u Aiborlang Sumer haka minit kaba 75.

Ha kawei pat ka jingiakhun ka Pamanik ka la pynliem ïaka Mulang Ialong da 4-1.

Ïaki 4 tylli ki kol jong ka Pamanik la thep da u Benedict Langstang haka minit kaba 10, u Dawan Pakma haka minit kaba 23 bad u Dame Talang haka minit kaba 36 & 70.

Ïaka shikol jong ka Mulang Ïalong la thep da u Waibha Shylla haka minit kaba 64.

Hashwa kine ki ar tylli ki jingïakhun kaba long hapdeng ka Mynso Blazon pyrshah ïaka Mookaswan Dongnein ka jingiakhu kala wai khlem khlem don mano mano ba ïoh pynkhih jar.

Haka sngi Balang ka jingïakhun kan long hapdeng ka Ksehsylle Ïalong pyrshah ïaka Khliehmyntdu Neinchnong haka por 11.00 baje mynstep, ka Lumchyrmang Mihmyntdu pyrshah ïaka Saindur Mihmyntdu haka por 1.00 nohphai sngi, ka Moodymmai pyrshah ïaka Ïong-i da hi FC haka por haka por 3.00 baje janmiet.