Jop ka Newhill Pammanik haka Third Division ka WJDSA

Syllad | The Rising MeghalayaJuly 5, 2023

Ka Newhil, Pammanik, Mookaswan Dongnein bad ka Myrjai kila khur namjop haka Third Division Football- Ka 3rd Adelbert Laloo Memorial Trophy kaba pyniaid da ka WJDSA haka sngi Balang.

Ka Newhill kala jop da 3-0 kol iaka Khliehsnong Ialong. Ia kine ki lai kol la thep da u Hamedamanbha Thma (2), Samson Swer (20) bad u Damehipaia Niangtia (70+3).

Haka jingiakhun kaba bud ka Mookaswan Dongnein kala pynliem da 1-0 iaka Salaroh. Kane ka shikol kala wan lyngba u June Shylla (14).

Ha kawei pat ka jingiakhun ka Myrjai kala jop da 1-0 iaka Chyrmang Wah. Ia kane ka kol la thep da u Lamphrang Kyndait (7).

Ka jingiakhun kaba khatduh jong ka sngi, ka Pammanik kala jop da 2-1 iaka Riatsaliya Mihmyntdu. Kine ki ar kol ka Pammanik la thep da u Emlang Pakma (17), bad u Dami Talang (40). Shikol ka Riatsaliya la thep da Monlangki Chyrmang (6).

Ka jingiakhun lashai ka sngi kan long hadpeng ka Moodop Royal pyrshah iaka Catholic Youth Mihmyntdu haka por 10:30 Am, ka Sohmynting Dongnein pyrshah iaka Pateinki Sabah 12 baje mynsngi, ka Kseh Sylle Ialong pyrshah iaka FAM hak por 1:30 nohphaisngi bad Khliehmyntdu Neinshnong Mihmyntd pyrshah iaka Mookyrdup haka por 3 PM.