Jop ka Niriang, Ryntih Mynsngat bad ka Khliehtyrshi haka football league ka TSA

Syllad | The Rising MeghalayaDecember 19, 2024

Ka Niriang, ka Rynti Mynsngat bad ka Khliehtyrshi kila khur jingjop haka jingialehkai football league ka Thadlaskein Sports Association (TSA) kaba la iaid shait shait mynta ha madan ialehkai ka shnong Wahiajer.

Haba phai sha ka jingialehkai haka 18 tarik Nohprah, ka Niriang kala pynliem da 1-0 iaka Laru. Ia kane ka kol ka Niriang kala thep tang hapoh ka 2 minit bala iaid ka jingiakhun lyngba u Pyndap Kharmon.

Ka jingialehkai kaba bud, ka Ryntih Mynsngat kala jop da 2-0 iaka Madansynrang. Ia kine ki ar kol la thep da u Chibait Khyllum (11) bad Kynsai Lamurong (14).

Ka jingialehkai kaba khatduh ka Khliehtyrshi kala khur namjop da 2-0 pyrshah iaka Nangroi i FC. Ia kine ki ar kol la thep da u Daohi Dkhar (13) bad Wanlang Dkhar (46).

Ka jingiakhun haka 19 tarik Nohprah kanlong hapdeng ka The A Team vs Thadmusem 10 Am, ka Ummulong vs Malngiang SC 12 pm bad ka Lummuriap vs iaka Nongkharai 2 pm.