Jop ka Nongkhroh SC, Maya SC & ka Onfroy Utd haka football league ka TSA

Syllad | The Rising MeghalayaJanuary 17, 2025

Ka Nongkhroh rim, Maya SC bad Onfroy United kila khur jingjop haka jingialehkai Football League kaba pyniaid da ka Thadlaskein Sports Association (TSA) ha madan Mini Stadium Wahiajer haka 16 tarik Kyllyngkot.

Haba phai sha ka jingialehkai, ka Nongkhroh rim kala pynliem iaka Umjlasiaw da 1-0 bad ia kane ka kol jong ka Nongkhroh rim la thep da u Rahbok Synnah (7).

Haka jingialehkai kaba bud, ka Maya SC kala pynrem iaka Ryntih Mynsngat da1-0, ia kane ka kol la thep da u Dawhoi Dhar (16).

Ha kawei pat ka jingialehkai, ka Onfroy United kala jop pyrshah iaka Mukhla Veteran da 2-1. Iaki kol jong ka Onfroy United la thep da u Leading Shiwat (11) bad Masan Shiwat (44), katba iaka Mukhla Veteran la thep da u Ricky Sari (22).

Haka 17 tarik Kyllalyngkot ka jingialehkai kan long hapdeng ka Grounded FC pyrshah iaka Nartiang SC haka por 10.00 baje mynstep, ka Tyrshang pyrshah iaka Tyllilang-i Moobakhon haka por 12.00 baje mynsngi, ka Nongkhroh Sohbar pyrshah iaka Tympang SC Iongshiwiat haka por 2.00 baje nohphai sngi.