Jop ka Nonglatem Lumbhahdakha bad ka Nangbah Mooknor haka Third Div ka WJDSA

Syllad | The Rising MeghalayaJune 20, 2023

U Living Suja marwei ula khyrwit 4 tylli bad lam lynti iaka Nonglatem SC ban jop da 6-0 pyrshah iaka Loompyrdi Iongpiah haka lympung ïalehkai football 3rd Division Football Tournament-3rd Adelbert Memorial Trophy kaba pyniaid da ka WJDSA kaba long ha Kiang Nangbah Stadium haka sngi Nyngkong.

Kitei ki saw kol u Living, ula thep haka minit kaba 22′, 52′, 54′ bad 60′ bad sa ar kol la thep da u Tomi Lamare 13′ bad shi kol ka dei ka own goal kaba thep da u Iakhroo Laloo 30′.

Haka jingïakhun kaba bud, ka Lumbhahdakha ka la pynliem ïaka Pammanik da 2-0 bad ïa kine ki kol jong ka Lumbhahdakha la thep da u Sumarmiki Suting haka minit 38′ bad u Pynkhreh Talang haka minit kaba 66′.

Ka Nangbah Mooknor ka la pynliem da 2-0 ïaka Tpepale. Ïa kine ki kol jong ka Nangbah Mooknor la thep da u Poimidanial Thubru haka minit kaba 49′ bad u Soki Lamare haka minit kaba 60′.