Jop ka ophis AG iaka MeECL rah syndon iaka North Eastern Council Invitational Football Tournament

Syllad | The Rising MeghalayaAugust 11, 2023

Ka kynhun ialehkai Phutbol jong ka AG Ophis ka la la lah ba kan pynliem noh da 3-0 ia ka Meghalaya Energy Corporation Limited haka jingiakhun ia ka final jong ka North Eastern Council Invitational Football Tournament 2023, kaba long kum shi bynta jong ka jingrakhe ka ri India ia ka snem kaba ar jong Amrit  Ka Mohatsav.

Ha kane ka kynti ki ophis ba la wan ban iashim bynta baroh ki long 9 tylli.

Kia phainal jong kane ka jingiakhun, ka la long hynne ka sngi Thohdieng ha madan First Ground ka Shillong Sports Stadium, Polo.  

Haba phai sha kane ka jingiakhun, ka kylla step ka la kut da ka jingbym don satia ba lah ban ioh ban pynkhih ia ka jar.

Dei haba la wan ban bteng ia ka kylla miet, ka kynhun ialehkai jong ka AG ophis, kaba la don lang ruh ia ki kato katne ki player, kiba dang ialehkai na ki klob ba iakhun ha ka lympung jong ka Shillong Premier League, ba ki la sdang ban kham kyntiew noh ia la ka rukom ialehkai, kaba la plie lad ia ka kyhun ialehkai jong ka AG Ophis ba kan ioh wat ba kan thep ia kine ki lai tylli ki kol,.

Ka kol ba nyngkong la ioh ban thep ia ka da u Chandmitre Thma 43′. Hadien kane ka kol jong u Chandmitre, ka la pynkyndit bynriew ia ki player jong ka MeECL, hynrei ar minit hadien kane, ka AG Ophis ka la ioh ba kan thep pat sa ia ka kol kaba ar ha ka minit kaba 45′, kaba la wan lyngba u Sheen Sohktung.

Ka kol na u Sheen, ka la kylla long ka thong bah ia ki player ka MeECL ban lah ban wanphai sha ka lynti jong ka jingiakhun, ia kaba ki player jong ka AG Ophis hadien kine ki artylli ki kol, ki la sdang ban ia mir bha hapdeng jong ki ha madan, bad ruh ban sdang ban pynshad kylleng sawdong ka madan ia ka bol, kaba la nang pynstait ia ki ktang lyer jong ki player kaMeECL.

Ha ka minit kaba 54′, ka AG Ophis ka la ioh ia ka kabu ba kan thep ia ka kol kaba lai kaba la wan pat sa na u Kerio Nongbri, kaba kylla long artad kum u prek ba la sah khatduh ha ka synduk ka MeECL.

Ha kaba kut jong ka jingiakhun ka nam best player ka la leit sha u Sheen Sohktung jong ka AG Ophis, Best Goalkeeper ka leit sha u Shiningstar Basaiawmoit ka MeECL bad ka nam top scorer ka leit sha u Chandmitre Thma jong ka AG Ophis hadien ba u la ioh ban thep haduh 7 tylli ki kol.

U kongsan ba la wan ban don lang ha kane ka sngi dei u u Gaingongdin Panmei uba bat kum u Fincial Advicer jong ka NEC,ka symbud kongsan pat dei ka  Sherry Lalthangzo kaba bat kum ka Ecnomic Advicer jong  ka NEC, nangta u Rangbah Shnong ka Nongrim Hills u bah Bantylli Nari, ia kaba la sakhi lang ruh da ki nongtrei na baroh artylli ki ophis.