Jop ka Pasyih Risingsun Nonglatem haka Third Div ka WJDSA

Syllad | The Rising MeghalayaApril 20, 2022

Ka Pasyih Cultural Sports Club, ka Risingsun Mukhla bad ka Nonglatem ki la khur jingjop haka lympung Third Division Football- 2nd Adelbert Laloo Memorial kaba pyniaid ka WJDSA kaba long ha madan Kiang Nangbah Stadium haka sngi ba Ar.

Haba phai sha ka jingiakhun ka Pasyih Cultural Sports Club kala pynliem ïaka Iooksi Youth Welfare da 3-1 kol. Ia kine ki lai kol ka Pasyih Cultural Sports Club la thep da u Shining Rymbai (9), u Chaniah Dkhar (21) bad u Phem Dkhar (40). Na kaliang ka Iooksi Youth Welfare la thep da u Tympang Tangliang (75).

Ha kawei pat ka jingiakhun ka Risingsun Mukhla ka la pynliem da 3-1 kol ïaka Mookynphad Mihmyntdu.

Na kaliang Risingsun Mukhla la thep da u Rimi Pyrtuh mar wei ar kol (11, 58) bad u Disfiveboy Nongrum (23). Iaka shikol jong ka Mookynphad Mihmyntdu la thep da u Arwan Rymbai (61).

Haka jingïakhun kaba khatduh Nonglatem ka la pynliem ïaka Mukhla Umlangshor da 1-0. Ïa kane ka shikol la thep da u Tommy Lamare haka minit kaba 69.