Jop ka Phramer 3-1 iaka Mynsngad haka Debo Shullai Trophy ka WJDSA

Syllad | The Rising MeghalayaJuly 8, 2022

Ka Phramer Sc kala jop da 3-1 kol pyrshah iaka Mynsngad Sc haka jingiakhun football 2nd Division Football Tournament-5th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Ka Phramer kala thep ia kine ki 3 kol lyngba u Elias Saioo uba la khyrwit 2 kol (48, 74) bad shi kol na u Monjurlang Suchiang (52). Katba ka Mynsngad kala ioh thep shikol shuwa ban wai ka por lyngba u Banker Muksor (80+1).

Ka jingiakhun lashai ka sngi Saitjain kan long hadpeng ka Mooknor Thadmuthlong pyrshah iaka Lumpyrtuh.