Jop ka Phramer da 1 wicket iaka CYC Mowkaiaw haka District Cricket League ka WJHDCA

Syllad | The Rising MeghalayaApril 11, 2024

Ka Phramer Cricket Club kala pynliem da 1 wicket iaka Cultural Youth Club Mookaiaw haka District Cricket League 2024 kaba pynaiaid da ka West Jaintia Hills District Cricket Association ha madan Khliehtyrshi Mini Stadium haka 10 tarik Iaiong.

Iaka jingkynting pisa (Toss) la jop daka Cultural Youth Club Mookaiaw bad ka la jied ban tied nyngkong bad ka la lah ban kamai 134 run naka 31.1 over bad liem lut baroh ki wicket.

Na kaliang ki nongtied ka Mowkaiaw, u Ardakirang Rymbai ula kamai 62 run naki 86 bad u Grateful Lyngkhoi 22 run naki 27 bol. Katba na ka liang ka Phramer u Iaineh Suchiang ula khur 4 wicket naki 7 over bad u Ebormi Laloo ula pynhap 4 Wicket naki 5.1Over.

Ka Phramer haba beh iaka thong kaba la buh ka CYC Mowkaiaw pyndep hapoh 28 over bad liem 9 wicket. U Deimiki Rabon ula kamai 48 run naki 36 bol bad u Pyrkhat Sari ula kamai 23 run naki 25 bol.

U Spaining Pyrhut ula khur bun eh ki wicket na ka Mowkiaw ha kaba ula pynliem 6 wicket na ki 7 over.

Iaka nam ‘Man of the Match’ la ioh da u Iaineh Suchiang jong ka Phramer Cricket Club.