Jop ka prokram SSLC Free Coaching u MLA Jowai 80 percent kiba pass

Syllad | The Rising MeghalayaJuly 4, 2023

Ka SSLC Free Coaching Program 2022 kaba kyrshan da u MLA ne nongthaw aiñ ka Jowai kala long kaba jop bad haduh 80 percent ki samla kiba shah hikai haki san tylli ki centre kila pass bha la kam u Wailadmiki Shylla.

U nongthaw ain ka Jowai ula ong ia kane haka jingpynkup burom iaki samla kiba pass bha haka prokram kaba long ha hall Thomas Jones Synod College, Jowai kaba long haka sngi ba Ar.

U Ma Wailad ula ong ba kine ki centre ki kynthup ha Sohmynting, Chutwakhu, Ladthadlaboh, Mihmyntdu bad Mukhla bad kane SSLC free coaching kan bteng biang mynta ka snem ruh bad  katba u dang long u MLA ka Jowai. Ula pynbna ba un sam iaka khusnam laptop lane da ka pisa sha kiba ioh First Twenty iaki samla pule ka Jowai Constituency ha u snem ban wan.

Ki khynnah kiba shah pynkup burom na kine ki centre ki don haduh 11 kiba ioh iaka kyrdan first division ryngkat ki distinction.

Ha kane ka juh ka sngi la pynkup burom ruh iaki saw ngut ki samla kynthup iaki lai ngut kiba rung haka First Twenty ka MBOSE naka skul KJP HSS, QC Springside, North Liberty HSS bad iaka Larisa Lamin haka top-10 jong ka Eksamin HSSLC.

Haka sien kaba nyngkong ithuh ka Dorbar Shnong Mihmyntdu iaki khynnah bad samla pule ba pass bha

U Wailadmiki Shylla haba kren shuh shuh ula ai iaki kyntien pynshlur ïaki samla kiba ïoh pdiang ïaka khusnam ba kin pynthikna ba kin trei shitom shuh shuh ban jop haka jingim pule puthi.

Kiba iadonlang ha kane ka jingialang ki dei ka kong AP Syiem District School Officer, West Jaintia Hills District kaba long kum ka symbud kongsan, u Principal ka Thomas Jones Synod College u Dr. DG Lyngdoh, u Principal ka North Liberty Higher Secondary School u Richard B. Uriah.

Iaka jingialang la pyniaid da u Hynniewki Pasleiñ bad ki kyntien ai khublei la ioh na u Nominated MDC JHADC u Octomewot Lamin.