Jop ka Pynthorlangtein 2-1 iaka West Madan Mustem haka Debo Shullai Memorial Trophy ka WJDSA

Syllad | The Rising MeghalayaJuly 6, 2022

Ka Pynthorlangtein ka jop da 2-1 kol pyrshah iaka West Madan Mustem haka jingiakhun 2nd Division Football Tournament- ka 5th Debo Shullai Memorial Trophy kaba pyniaid da ka WJDSA kaba long ha Kiang Nangbah Stadium haka sngi Balang.

Ia kine ki ar kol ka Pynthorlangtein la thep da u Balongshwa Surong (8) bad u Wanbiang Bang (74). Shi kol ka West Madan Mustem la thep da u Luckystar Shylla (53).

Lashai ka sngi ka jingïakhun kan long hapdeng ka Lumpariat pyrshah ïaka Dongmihsngi haka por 3.00 nohphai sngi. Kane kan dei ka sien kaba ar ba kine ki arliang mamla kin mih madan na ka pool B.