Jop ka Ratacherra, Lakadong Ummat bad ka Sonapyrdi haka 3rd Div ka EJHDFA

Syllad | The Rising MeghalayaSeptember 18, 2024

Ka Lakadong Ummat SCC, Sonapyrdi FSC bad Ratacherra Cultural & Sports Club kila khur jingjop haka 3rd Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka 18 tarik Nailur.

Ka namjop ka Lakadong Ummat da 3-2 pyrshah iaka Bataw FC. Na kaliang ka Lakadong Ummat la thep da u Edifirst Shadong (16), Ebormi Lyngdoh (31) bad Winison Sumer (37). Ki ar kol ka Bataw FC la thep da u Jelmiki Lyngdoh (39) bad Ram Lakhi (70).

Haka jingialehkai kaba bud, ka Sonapyrdi FSC kala pynliem da 1-0 iaka Musniang DWKSC. Ia kane ka kol jong ka Sonapyrdi la thep da u Kitbok Sutnga (63).

Haka jingialehkai kaba khatduh jong kane ka sngi, ka Ratacherra Cultural & Sports Club kala jop da 3-1 iaka Umrasiang United SC.

Ia kine ki lai kol ka Ratacherra la thep da u Gradely Mylliem ar kol marwei (64, 67) bad shikol na u Misaial Bareh (6). Shikol ka Umrasiang la thep da u Jemiki Rymbai (70).