Jop ka Red Mark FC haka invitation football ka Wahiajer

Syllad | The Rising MeghalayaSeptember 14, 2024

Ka Red Mark FC kala pynliem da 4-2 iaka Mukhla Wahchnong haka jingialehkai 8th Invitation Knock Out Football Tournament ba la pyniaid da ka Wahiajer Sports Club ha madan Wahiajer Sports Complex.

Ha kane ka jingialehkai ka Red Mark FC kala tam lypa 3 kol haka kylla step lyngba ki kol kiba la thep u Sngiwanpynsuk Kurbah (33, 38), u Wansiewdor Nengnong (40) bad shikol na u Angelus Biam (78) haka kylla miet.

Katba iaki kol ka Mukhla Wahchnong la thep da u Chandame Suna (53) bad u Riben Talang (80+1).

Iaka nam man of match la khur da u rangialehkai ka Red Mark FC u Wansiewdor Nengnong.

Ka jingialehkai kaba bud kan long haka 16 tarik Nailur hapdeng ka Friend United pyrshah iaak Monjurlang FC haka por 2:30 baje nohphai sngi.