Jop ka Ri Bhoi haka sngi sdang ka Inter District U-19 Boys Cricket ha Khliehtyrshi

Syllad | The Rising MeghalayaApril 18, 2022

Ka Ri Bhoi Cricket Association kala jop da 4 wicket pyrshah iaka Shillong Cricket Association (A) haka Zone 1 jong ka Inter District U-19 Boys Cricket Tournament kaba pynlong da ka Meghalaya Cricket Association (MCA), ha madan Khliehtyrchi haka sngi Nyngkong.

Ka Shillong CA (A) kala khyllem lut baroh 10 wicket bad kamai 117 run, hynrei la hap ban pynduna noh iaka thong sha ka 99 na ka 20 over hadien bala wan pynthud u slap.

Ka Ri Bhoi haba beh iaka thong kala liem 6 wicket haduh ka ball ba khatduh.

Ka Shillong CA (A) kala jop iaka jingkynting pisa bad kala kam trai ban tied shuwa, pynban ki batsman kiba shakhmat jong ka kila khyllem uwei hadien uwei.

U Shavian Blah (11) bad Navin Kumar (24) kila kamai ar dak jingkhien ki nongtied kiba shapdeng. Ki nongtied kiba khatduh u Charm Marbaniang (16) bad Josiah Wanniang (10 not out) kila synniang sha u sup thiar kamai run ka Shillong. U Md Siraj Ali ula kylla long u namtam haka jingkawang bol ha kaba ula khyrwit, 4/33 haba 6 overs, bad Banialam 2/26. 

Ali’s u nongtied ka Ri Bhoi haba beh iaka thong ula kamai 21 run bad ula khur ruh iaka khusnam player-of-the-match.

Katba, u Banialam 15 not out bad ula khyrwit six bad ka four ha ki ball ba khatduh kaba la biang pura iaka Ri Bhoi ban khur iaka namjop.

Ka Zone 2 ka ban long ha Tura kan sdang naduh ka 20 atrik une u bnai.