Jop ka Royal Pole bad ka Da-i-hi Mynsngat haka Third Div ka WJDSA

Syllad | The Rising MeghalayaJuly 20, 2024

Ka Royal Pole Mihmyntdu bad ka Da-i-hi Mynsngat ki dei ar tylli ki kynhun kiba la khur namjop haka jingialehkai Third Division- 4th Adelbert Laloo Memorial kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain

Ar tylli kiwei pat ki jingialehkai kila kut haka jingiakhaid hapdeng ka West Madan Mustem pyrshah iaka Kyndongtuber khlem don mano mano ba ioh pynkhih jar. Ka Moodymmai kala iakhaid bad ka Pammanik da 1-1.

Ka nam jop ka Royal Pole Mihmyntdu kala wan pyrshah iaka Nangbah Khloopana da 1-0. Ia kane ka kol la thep da u Dayomiki Ryngkhlem (55).

Ka Da-i-hi Mynsngat kala pynliem iaka Dongnein Sohmynting da 4-0. Ia kine ki kol jong ka Dongnein Sohmynting la thep da u Deepson Tokbi (15, 49) bad u Carlus Hadia (31,33).

Pynkhreh ka WJDSA ban pynlong iaka Under-17 Independence Day Cup