Jop ka Rymbai Shkenshynriah bad ka Moolamanoh haka Super Div ka EJHDFA

Syllad | The Rising MeghalayaDecember 4, 2023

Ka Rymbai Shkenshynriah bad ka Moolamanoh kila jop iaka Khliehriat West bad iaka Rymbai Wahshnong haka Super Division Football Tournament ka East Jaintia Hills District Football Association kaba long ha madan artificial turf ha Diengshynrum haka sngi Nyngkong.

Haba phai sha ka jingialehkai, ka Rymbai Shkenshynriah kala jop da 2-0 iaka Khliehriat West YWSC. Ia kine ki ar kol la thep da u Rumi Lyngdoh 41′ bad u Vicky Dkhar 64′.

Ka Moolamanoh kala pynliem iaka Rymbai Wahshnong da 3-0. Ia kine ki lai kol ka Moolamanoh la thep da u Lakhon Surong 56′ kaba mih paw haka dur ka penalty, Kiming Dkhar 86′ bad u Eriston Dkhar 90’+1.