Jop ka Rympei PIP, rah syndon iaka 1st Open To All 40 Above Veteran Cup Football Tournament ha Wahiajer

Syllad | The Rising MeghalayaJuly 29, 2023

Ka Rympei PIP ka la ioh khur iaka nam lahduh jong ka lympung ialehkai “1st Open To All 40 Above Veteran Cup Football Tournament” ba la pyniaid da u Marlangki & Friends.

Kane ka nam lahduh ka la wan hadien ba ka Rympei PIP ka la pynliem iaka Friend United da 1-0 haka jingiakhun phainal kaba la long ha madan Mini Stadium, Wahiajer haka sngi Saitjain.

Iaka shikol jong ka Rympei PIP la thep da u Marlangki Suting haka minit kaba 36.

Ka Rympei PIP kaba long ka lahduh ka la ioh khur iaka song pisa kaba 30 hajar tyngka katba ka Friend United kaba ka la ioh khur iaka 20 hajar ryngkat ka Trophy.

Ia kane ka lympung ialehkai la wan ban pynhap pyrda iaka da u Waheh shnong barim ka Wahiajer u Kmenlang Shylla haka jingialang lyngkot kaba la pyniaid da u Da-u-ni Phawa haka jingdonlang ki katto katne ki riew rangbah ka shnong bad ki nongkyrshan jong ki kynhun.