Jop ka Sabahmuswang Ladthadlaboh haka Independence Day Cup ka WJDSA

Syllad | The Rising MeghalayaJuly 20, 2022

Ka Sabahmuswang SC bad ka Ladthadlaboh SC kila khur namjop haka jingiakhun football Under-17 Independence Day Cup kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Haba phai sha ka jingiakhun ka Sabahmuswang kala pynliem da 2-0 kol iaka Nangbah Sports Association. Ia kine ki kol la thep da u Mar OP Shylla (54, 60).

Katba ka Ladthadlaboh pat kala pynliem 2-0 kol iaka Mookynphad Mihmyntdu. Ia kine ki kol la thep mar shikol da u Shanki Amryngsong (18) bad u Samson Swer (25).