Jop ka Saindur Mihmyntdu iaka Panaliar haka Independence Day Cup, ka Lion haka 2nd Division ka WJDSA

Syllad | The Rising MeghalayaAugust 1, 2022

Ka Saindur Mihmyntdu kala jop da 3-0 ïaka Panaliar haka jingiakhun Independence Day Cup kaba pyniaid da ka WJDSA kaba long ha Kiang Nangbah Stadium haka sngi Nyngkong.

Ia kine ki lai kol la thep da u Dayoophioo Lyngdoh (3) Nangkhroo Lyngdoh (56) bad u Lakhon Phawa (60).

Ar tylli kiwei pat ki jingiakhun ha kane ka lympung hadpeng ka Nangbah Mulang pyrshah iaka Lumiawmuchai kala kut khlem don mano mano ba ioh pynkhih jar bad ka Moosalyngkat pyrshah iaka Lion kala wai da kaba iakhaid 1-1.

Haba phai sha ka jingiakhun 2^nd Division, ka Lion sports and youth affairs kala jop da 3-1 kol pyrshah iaka Pynthorlangtein.

Na kaliang ka Lion la thep da u Chiruplang Pdang (34), Chanmitre Dkhar (41) bad u  Sanborlang Kharshohnoh (49) katba na ka Pynthorlangtein Balongshwa Surong (32).

Haka Independence Cup ka 7 Wasa pyrshah iaka Mookyndur, Catholic Youth Mihmyntdu pyrshah iaka Mookyrdup bad ka jingiakhun kaba khatduh ka Mukhla Raij pyrshah iaka Lutituber Ialong.