Jop ka SCA (B) iaka EKH da 134 run haka Inter District U-19 Boys Cricket

Syllad | The Rising MeghalayaApril 21, 2022

Ka Shillong Cricket Association (B) kala jop da 134 run pyrshah iaka East Khasi Hills Cricket Association haka jingiakhun Inter District U-19 Boys Cricket kaba pyniaid da ka Meghalaya Cricket Association (MCA) na ka Zone 1 ha madan Khliehtyrshi, West Jaintia Hills District.

Hadien bala jop iaka toss ka SCA B kala khyrwit tyngeh bad buh iaka thong kaba 242/7 naka 30 over. Y Na

U Manthan Dey ula kamai (76 run naka 78 ball) bad u Kshitij Singhania(79 naka 78) bad synniang sha u supu thiar kamai run ka SCA 172 run haka wicket kaba 2, katba u Jerimaiah L Kynshi ula kamai 22 naka 14 ball haba kut jong ka wat kaba nyngkong.

Na ka liang ka East Khasi Hills CA haba poi ka pali jong ka ban beh iaka thong tang lai ngut ki nongtied ka EKH kiba la kamai ar dak bad kine ki kynthup ia u Hameki Susngi ula kamai bun run 17 bad kala khyllem lut tang 108 naka 28.3 overs. U Vivek Kumar Ray ula khyrwit 3 wicket bad ai tang 21 na ka 6 over.

U Manthan uba laioh ruh ban pyn run put ia uwei na ki nongtied ka EKH ula khut iaka nam player-of-the-match.

Haba phai sha ka jingiakhun haka Zone 2 ha Tura la hap ban pynsangeh na ka daw ka jingwan ther jur u slap. Kane ka jingiakhun kaba la buh ka dei ban long hapdeng ka Tura pyrshah iaka South Garo Hills.