Jop ka Seinbhalang Shkentalang haka Super League, ka Sohkha Shnong & Hynriam YSC haka Lower Division ka Amlarem SSA

Syllad | The Rising MeghalayaNovember 10, 2024

Ka Seinbhalang Shkentalang kala kala khur jingjop haka Super League, katba ka Sohkha Shnong bad Hynriam YSC kala khur jingjop haka Lower Division Football Tournament bala pyniaid ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 9 tarik Naiwieng.

Haka jingialehkai jong ka kyrdan Super League ka Seinbhalang Shkentalang kala pynliem da 1- 0 iaka Amlarem SCC lyngba ka kol ba la thep da u Sunu Dkhar haka minit kaba 37 bad kane ka kol kala neh haduh ba kut ka jingialehkai.

Haka kyrdan Lower Division, ka Sohkha Shnong kala pynliem da 3-1 iaka Shmiapang YC.

Iaka kol jong ka Sohkha Shnong la thep da u Michael Langar haka minit 22 bad Nightstar Tongper haka minit 39 bad 52, katba iaka kol jong ka Shmiapang YC la thep da u Pynshait Pohleng haka minit kaba 25.

Haka jingialehkai kaba bud, ka Hynriam YSC kala pynliem da 2-0 iaka Amsohrhong. Ia kine ki kol la thep da u Wannam Kassar haka minit 58 bad Evening Pamksanh haka minit 60.

Ha kawei pat ka jingialekai hapdeng ka Padu Mawsku bad Mupyut Dongwah ka jingiakhun ka la kut da ka jingiakhait khlem da lah pynkhih iaka jar kol.