Jop ka Shangpung Lumiawmushai haka Super Div ka WJDSA

Syllad | The Rising MeghalayaNovember 9, 2023

Ka Shangpung Lumiawmushai ka la pynliem da 3-1 iaka Mynthong haka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Na kaliang ka Shangpung Lumiawmushai la thep ia kine ki lai kol da u Eliser Suiam uba la ioh thep ar kol 88′, 90′ ba u Bantei Iakai 19′. Shikol ka Mynthong la thep da u Riyanki Shylla 34′.

Haka 9 tarik Naiwieng, ka jingiakhun kan long hapdeng ka Ladthadlaboh pyrshah iaka Khimusniang haka por 2.00 baje nohphai sngi.