Jop ka Shangpung Moosyiem da 3-1 iaka Demthring haka 1st Div Football ka WJDSA

Syllad | The Rising MeghalayaOctober 6, 2022

Ka Shangpung Moosyiem kala pynliem da 3-1 iaka Demthring haka jingiakhun 1st Division Football Tournament kaba la tip kum ka Chatister Kharkongor Memorial Trophy kaba pyniaid ka West Jaintia District Sports Association (WJDSA) kaba iaid shait shait mynta ha Kiang Nangbah Stadium.

Haka jingiakhun kaba long haka sngi Palei, ka Shangpung Moosyiem kala ialehkai bha ha kane ka jingiakhun bad kala ioh ruh ban thep iaka kol kaba nyngkong haka minit kaba 24′ lyngba u Ebormi Lyngdoh. Ka Demthring kala pynphai bad tan kylla iaka jingiakhun sha kaba iakhaid lyngba ka kol kaba la thep u Bony First Pyrtuh haka minit kaba 34′ bad kineki ki ar kol kila neh haduh bala kut ka kylla step.

Haba la bteng biang iaka jingiakhun haka kylla miet, ka Shangpung Moosyiem kaba ialehkai bha kala pyrshang har rukom ki jingpyrshang ban tynjuh iaka kut ialehkai ka Demthring. Ka Demthring ruh kala pyrshang ban iakhun tyngeh ban thaw ki lad bna ioh khyrwit kol.

Dei ha ka minit kaba 69′ bad 75′ ka Shangpung Moosyiem kala khyrwit ar kol lyngba u Mewotki Sungoh bad u Woderful Langbang kaba la biang pura iaka Shangpung Moosyiem ban khur iaka namjop ba nyngkong.

Lashai ka sngi Thohdieng la kynriah iaka football 1st Division namar ba don ka final golden jubil kaba la tip kum ka “40 Above Veteran Football Tournament” hapdeng ka ka Rympei PIP pyrshah ïaka Friends United haka por 2:00 baje nohphai sngi.

Katba ka jingïakhun final jong ka lympung ïalehkai “U Kiang Nangbah Memorial Trophy- Super Division Football Tournament” kan long haka sngi ba bud kata haka 8 tarik hapdeng ka Ladthadlaboh pyrshah ïaka 7 Wasa United haka por 1:00 baje nohphai sngi.