Jop ka Shillong Cricket Assoc (B) bad ka East Garo Hills haka Inter District U-19 Boys Cricket

Syllad | The Rising MeghalayaApril 26, 2022

Ka Shillong Cricket Association (B) bad East Garo Hills kila khur jingjop haka Inter District U-19 Boys Cricket Tournament haka sngi Nyngkong.

Ka SCA B kala pynliem iaka Ri Bhoi da 4 wicket haka jingiakhun ka Zone 1 kaba long ha Khliehtyrshi bad haka Zone 2 ka East Garo Hills kala jop da 84 run iaka South Garo Hills ha Tura.  

Haka jingiakhun ka SCA pyrshah iaka Ri Bhoi, ka Ri Bhoi kaba la jop iaka toss kala kala kamai tang 64/10 na ka 18 overs. U Reshab Subedi u la synniang 23 run bad u Bharat Gurung 13 run iaka Ri Bhoi.

Ki nongkawang bol ka SCA (B)’s Pushkar Raj ula khyrwit (3/10), Basant Chettri (3/15) bad Angkit Tamang (3/27).

Ka Shillong haba beh iaka thong kala liem 6 wicket bad u Puskar Raj ula kamai 15* ryngkat bad u player-of-the-match u Chettri 10.

Ki nongkawang bol ka Ri Bhoi u Md Siraj Ali, Bharat Gurung bad Vikram Marbaniang kila khyrwit mar 2 wicket. 

Ha ka jingiakhun ka EGH kala kamai 184/0 naka 30.1 overs. Kapil G Momin u dei uba kamai bun run eh 31, katba Jadilbirth Marak bad Welster M Marak kila kamai mar 27.

SGH kala pyndonkam 8 ngut ki nongkawang bol ha kaba Anup Saha (3/18) bad Sundaybirth Sangma (3/44) kila khyrwit mar lai wicket.

Ka SGH haba iaka thong kala tang 116/10, Griksil G Marak (41) Sunbirth M Sangma (13) hadien bala liem kine ki ar ngut la khyllem ki nongtied ka SGH uwei hadien uwei.

U Player-of-the-match Bilgrak G Sangma ula khyrwit 3/17, Gulgul Sangma ula khyrwit 4/24 bad Chimbara Sangma 2/26.