Jop ka Shnongrim bad ka Narwan haka Super League ka Saipung Block Sports Association

Syllad | The Rising MeghalayaOctober 28, 2023

Ka Shnongrim SC bad ka Narwan SC kila khur namjop haka jingialehkai Super League Football Tournament ba la pyniaid da ka Sapung Block Sports Association (SBSA) kaba iaid shaid shaid ha madan ialehkai ka shnong Lamyrsiang haka sngi Saitjain.

Ka Shnongrim SC kala jop da 2-1 iaka Lakasein SC da 2-1. Na kaliang ka Shnongrim la thep ia kine ki ar kol da u Samedonhi Sukhlain 9′ bad u Steady Sutnga 18′. Katba ka shikol jong ka Lakasein la thep da u Pynchait Mukhim 46′.

Ka namjop jong ka Narwan SC kala wan hadien ba kala pynliem da 3-2 iaka Jarain SC. Iaki kol jong ka Narwan SC la thep da u Living Phawa marwei ar kol 2′ ,41′ bad shikol da u Meki Suiam 14′. Ki ar kol ka Jarain SC la thep da u Romario Dkhar 71′ bad u Lack Lamare 78′.

Haka 30 tarik Risaw ka jingiakhun kan long hapdeng ka Mulait United FC pyrshah iaka Mynthing SCC haka por 11.30 baje mynstep. Ka Tluh SC pyrshah iaka Lammyrsiang SCC haka por 1.30 baje nohphai sngi.