Jop ka SK Utd XI pyrshah iaka AB FC haka sngi sdang ka 11th Cash Prize Knock-Out Football ka MSCSO

Syllad | The Rising MeghalayaSeptember 16, 2021

Ka SK United XI kala jop pyrshah iaka AB FC da 2-1 kol haka sngi sdang iaka lympung ïalehkai ka 11^th Cash Prize Knock-out Football Tournament 2021 kaba pyniaid da ka Moopynieiñ Socio Cultural & Sports Organization (MSCSO) ha Wapungpungskur, East Jaintia Hills District.

Ia kane ka lympung la wan ban plie pyrda da Rilamki Dkhar kum u kongsan bad u Kyrshan Blah president MPUF East Jaintia Hills kum u symbud kongsan.

U Rilamki Dkhar ula iaroh iaka MSCSO kaba la pynlong ia kane ka football tournament bad u kyrmen ba lyngba kane ka jingialehkai kan pynmih ia ki sap ki phong kiba nylla jong ki khun samla ka thain.