Jop ka Sohlawiat haka Upper Div, ka Moosakhia, Nongtalang haka Lower Div ka ASSA

Syllad | The Rising MeghalayaDecember 7, 2024

Ka Sohlawiat SC kala khur nam jop haka Upper Division katba ka YC Moosakhia bad Nongtalang FC kila khur jingjop haka Lower Division ba la pyniaid da ka Amlarem Sub Divisional Sports Association (ASSA).

Ia kane ka lympung ialehkai la pynlong ha madan Mini Stadium Ladjaplem haka 7 tarik Nohprah.

Haba phai shaka jingialehkai Upper Division ka Sohlawiat SC kala pynrem iaka Namrhen RSC Kudengrim da 1-0 lyngba ka kol ba la thep da u Deibor Buam (61).

Haka Lower Division, YC Moosakhia kala pynliem da 3 -1 iaka Sankhat SC. iaki kol jong ka YC Moosakhia la thep da u Thanda Khongiong (8 &30) bad Pei Phawa (18) katba iaka kol jong ka Sankhat SC la thep da u Rosel Marak (32).

Haka jingialehkai kaba bud, ka Nongtalang ka la pynliem iaka Amtasam SC da 1-0 lyngba ka kol ba la thep da u Tibor Myrchiang (23).

Hashwa kane ka jingialehkai hapdeng ka Padu United pyrshah iaka Shkenpyrsit kala kut noh khlem da lah ban pynkhih iaka jar kol.