Jop ka Sohphoh bad ka Morathud haka football ka TSA

Syllad | The Rising MeghalayaJanuary 14, 2025

Ka Sohphoh, ka Morathud bad ka Malngiang kila jop haka jingialehkai football league ka Thadlaskein Sports Association (TSA) kaba lopng haka madan stadium Wahiajer haka 14 tarik Kyllalyngkot.

Ka Malngiang kala jop ei da ka Walk-Over hadien baka Nongkharai SC ka khlem lah satia ban wan ialehkai.

Ka Morathud kala pynliem da 2-0 iaka Takhniang. Ia kine ki ar kol jong ka Morathud la thep da u Daunibiang Lyngdoh (35) bad Sooki Laloo (65).

Ha kawei pat ka jingialehkai ka Sohphoh SC kala jop da 3-0 iaka Tympang SC. Shi kol la mih paw haka dur ka own goal katba ar kol la thep da u Habandajop Khynriam (8), Phran Shylla (19).

Haka 15 tarik Kylllyngkot ka jingialehkai kan long hapdeng ka Kdohkule pyrshah iaka Mukhla Sohshrieh haka por 10.00 baje mynstep, ka Iawthymblein pyrshah iaka Wahshnangiar SC haka por 12.00 baje mynsngi bad Nongthymme Nongdhar pyrshah iaka Youngstar Namdong haka por 2.00 baje nohphai sngi.