Jop ka Sutnga bad ka Rymbai Skhenshynriah haka Super Div ka EJHDFA

Syllad | The Rising MeghalayaNovember 24, 2023

Ka Sutnga SSCC bad ka Rymbai Skhenshynriah kila khur namjop haka Super Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka sngi Thohdieng.

Haba phai sha ka jingialehkai, ka Sutnga SSCC kala jop da 5-1 iaka Moolamanoh SC. ia kine ki san kol la thep da u Sumarbha Bareh haka minit kaba 51′, ar kol la thep da u Ioanis Suchen haka minit kaba 53′, 55′, Onio Sutnga 64′ bad u Isneilang Dkhar 70′. Shikol na kaliang ka Moolamanoh la thep da u Michael Siangshai haka minit kaba 79′.

Ha kawei pat ka jingialehkai, ka Rymbai Skhenshynriah kala jop da 2-0 iaka Thangskai Tiger. Ia kine ki ar kol la thep da u Hikaidame Bareh haka minit kaba 21′ bad 45’+1.

Haka 25 tarik Naiwieng ka jingialehkai kan long hapdeng ka Khliehriat West YWSC pyrshah iaka Rymbai Iawpynsing haka por 12 Pm bad ka Dhana SC pyrshah iaka Rymbai Wahshnong haka por 2 Pm.