Jop ka Thadmuthlong iaka Mulang Ialong, iakhaid ar tylli ki jingiakhun haka 3rd Div ka WJDSA

Syllad | The Rising MeghalayaApril 5, 2022

Ka Madan Thadmuthlong kala pynliem da 2-0 kol iaka Mulang Ialong haka 3rd Division Football Tournament ka 2nd Adelbert Laloo Memorial Trophy kaba pynïaid da ka West Jaintia District Sports Association (WJDSA) ha Kiang Nangbah Stadium haka sngi ba Ar.

Katba ar tylli ki jingiakhun hapdeng ka Maitchaphrang Mootyrchiah pyrshah iaka Ksehsylle Ialong kala kut da 1-1 kol bad ka Lumkhangdong Kyndong Tuber pyrshah iaka Lumchyrmang Mihmyntdu kala kut khlem don mano mano ba ioh pynkhih jar.

Baroh ar kol ka Madan Thadmuthlong la thep da u Precious Tang haka minit kaba 4 bad 39.

Katba ki kol haka jingiakhun ka Maitchaphrang pyrshah iaka Ksehsylle Ialong la thep shuwa da ka Maitchaphrang lyngba u Sanborlang Tang (12) bad ka kol iakhaid kala wan na u Teimiki Lyngdoh (29).

Lashai ka sngi ka jingïakhun kan long hapdeng ka Myrjai pyrshah ïaka Moodymmai haka por 11.00 baje mynstep, ka Khliehshnong Ïalong pyrshah ïaka Royal Pole Mihmyntdu haka por 1.00 nohphai sngi, ka Tympang pyrshah ïaka Mukhla Umlangshor haka por 3.00 baje janmiet.