Jop ka Thangskai Tiger bad ka Khliehriat West haka Super Div ka EJHDFA

Syllad | The Rising MeghalayaNovember 4, 2023

Ka Thangskai Tiger SC bad ka Khliehriat West YWSC ki la khur jingjop haka jingialehkai Super Division Football Tournament kaba pyniaid da ka East Jaintia District Football Association (EJHDFA) ha madan artificial turf ha Diengshynrum, Khliehriat haka sngi Thohdieng.

Haba phai sha ka jingialehkai, ka Thangskai Tiger SC ka la pynliem da 1-0 iaka Moolamanoh SC da 1-0. Kane ka shikol ka Thangskai Tiger SC kala wan lyngba u Ruki Syrti 61′.

Haka jingialehkai kaba bud ka Khliehriat West YWSC ka la jop da 2-1 iaka Dhana SC. Na kaliang Khliehriat West YWSC la thep ia kine ki kol da u Sandy Kassar 36′, 82′ (Penalty). Katba na kaliang ka Dhana SC la thep da u Rimonlang Sumer 63′.

Haka 7 tarik Naiwieng ka jingiakhun kan long hapdeng ka Rymbai Iawpynsing SC pyrshah iaka Rymbai Wahshnong SC haka por 12.00 baje mynsngi. Ka Rymbai Shkenshynriah SC pyrshah iaka Sutnga SSCC haka por 2.00 baje nohphai sngi.