Jop ka Thun FC bad ka Nohron SC haka football ha Pdengshakap

Syllad | The Rising MeghalayaJanuary 3, 2024

Ka Thun FC bad ka Nohron SC ki la khur jingjop haka jingialehkai ‘10th Pdengshakap Secondary School Football Tournament’ kaba la pyniaid da ka Dorbar Shnong Pdengshakap.

Kane ka la wan hadien ba ka Thun FC ka la pynliem iaka Five Star FC da 1-0, katba ka Nohron SC ka la pynliem iaka River Side FC da 2-0 haka jingiakhun kaba la long ha madan bol Pdengshakap haka 3 tarik Kyllalyngkot.

Iaka kol jong ka Thun FC la thep da u Marshial Nongrum haka minit kaba 38. Katba iaki 2 kol jong ka Nohron SC la thep da u Sawar Nongrum haka minit kaba 60 bad 64.

Ka jingiakhun haka sngi Saitjain kan long hapdeng ka Sankhat SC pyrshah iaka One Soul Utd Pdengkarong haka por 12:00 baje mynsngi, ka Thrang Chynnam FC bad ka D.S Demthring haka por 2:00 nohphai sngi.