Jop ka Tpepswer iaka Byndihati haka quarterfinal ka First Div ka EJHDFA

Syllad | The Rising MeghalayaOctober 19, 2023

Ka Tpepswer SSWO kala jop da 1-0 iaka Byndihati SC haka quarterfinal kaba khatduh jong ka First Division Football Tournament kaba pyniaid da ka East Jaintia Hills District Football Association (EJHDFA) kaba long ha madan Diengshynrum ha ka sngi Palei.

Ia kane ka kol la thep da u Danny Shylla 29′ bad kane ka kol kala biang pura iaka Tpepswer ban rung sha ka semifinal. Lyngba kane ka namjop kan aireng pyrshah iaka Ladrymbai B SC haka 24 tarik une u bnai.

Kawei pat ka jingialehkai semifinal kan long hapdeng ka Chiehruphi SYWSC pyrshah iaka Khliehriat West FC ka ban long haka 23 tarik Risaw.