Jop ka Tura & Shillong CA (A) haka Inter District U-19 Boys Cricket

Syllad | The Rising MeghalayaApril 24, 2022

Ka Shillong Cricket Association (A) bad ka Tura District CA kila khur jingjop haka Inter District U-19 Boys Cricket Tournament haka jingiakhun kaba long haka sngi Saitjain. 

Haka Zone 1 kaba long ha madan Khliehtyrshi, ka Shillong CA (A) kala pynliem iaka East Khasi Hills da 8 wicket, katba ka Tura kala jop da 3 wicket pyrshah iaka North Garo Hills ha Tura.

Haka jingiakhun ka SCA pyrshah iakla EKH, ka EKH kaba la jop iaka toss kala kamai 101/9 naka 32 over. U Jonathan Mawa dei tang ma uba la kamai bun run 21*, katba u Naveen Kumar Yada (3/17) ula khur player-of-the-match bad u Charm Marbaniang ula khyrwit (3/21). 

Avinash Rai ula lam lynti iaka kynhun jong ka SCA ban jop ha kaba marwei ula kamai 40 bad u Mrinal Das ula tied 28 not out n aka 13 balls. Ka SCA (A) kala kynjoh iaka thong da kaba liem tang 2 wicket naka 13 overs. 

Haka Zone 2 ka Tura kaba la jop iaka toss kala ailad ban tied shuwa ka North Garo Hills.

U Denikcheng Marak ula ialehkai bha bad ula khyrwit 3/3 na ka 4.4 over, katba Harshit Prasad ula khyrwit wicket 3/14. U Burney Kerauzik Marak ruh ula khur 2/15 kaba la pynlong iaka NGH liem lut ki nongtied tang hapoh 22.4 over bad kamai tang 72 run.

Ka Tura haba beh iaka thong kala liem 7 wicket, hynrei namar duna ka thong ba kan beh kala jop suk. U Rohit Sah ula kamai 27 not out , katba u Kasagrikku Ch Momin jong ka NGH ula khyrwit 2/15.