Jop ka Ummulong CC iaka Moodymmai CC haka District Cricket League ka WJHDCA

Syllad | The Rising MeghalayaApril 11, 2024

Ka Ummulong Cricket Club kala pynliem iaka Moodymmai Cricket Club da 44 run haka jingialehkai ‘District Cricket League 2024’ kaba pyniaid da ka West Jaintia Hills District Cricket Association ha madan Khliehtyrshi Mini Stadium.

Ka Ummulong kaba la jop iaka toss kala jied ban tied nyngkong bad tied bad kala lah ban kamai 214 run naka 35 over bad liem 4 wicket.

Ki nongtied ka Ummulong kiba la ialehkai bha ki dei u Rejoice Gassah ula tied 65 run naki 71 bol, u Heimonlang Lyngdoh ula lah ban tied 44 run naki 18 bol bad u Chongtre Iman Lamare 37 run naki 40 bol.

Katba naka liang ka Moodymmai u Daowan Passah ula pynliem 2 wicket naka 7 over.

Haba poi ka pali jong ka Moodymmai ban beh iaka thong kala liem baroh 10 wicket tang hapoh 29.4 over bad ka dang lah ban kamai tang 170 run. U Bamanbha Shangpliang ula lah ban tied 68 run naki 58 bol, Richel Passah 23 run naki 28 bol, Rijest Lytan 23 run naki 30 bol.

U Heimonlang nalor ba ialehkai bha haka por bad tied bad kamai 44 run ula klhyrwit ruh 3 wicket naka 6.4 over kaba la biang pura ia u ban kur iaka khusnam man of the match. Kiwei pat ki nongialehkai ka u Ummulong kiba khur wicket ki dei Sumarlang Lamare bad u Sylvester Mylliempdah kiba la iohkhur mar 2 wicket.